DRDA Project Director hovin Green MJA Day, nimin khan hman ani.


       Mizoram Journalists' Association (MJA), Lawngtlai District te'n kum 2016 atanga kum tina an hman thin Green MJA Day (vawi 7-na) chu nimin khan  DRDA  Project Director Pi Marilyn Rualzakhum thangi hovin an hmang.

Lawngtlai Press Club-a Green MJA Day puala inkhawm tawi buatsaihah Pi Marilyn Rualzakhumthangi chuan Lawngtlai District MJA te'n mi dangte kawng dika hruai tura chanchinbu kal tlanga ziah mai duh tawk lo va, a taka an che chhuak tel thin chu lawmawm a tih thu a sawi a. Lawngtlai District-ah hmasawnna hna thawh vangin ramngaw, thing leh mau a chereu nasa hle a, theih tawp chhuaha thing phun belh leh enkawl zui kawngah tan lak sauh sauh a ngai a ni, a ti.

He hun hi District MJA Treasurer Pu H. Lalrinmawia chuan kaihruaiin, District MJA President Pu Lalngheta Ralte pawhin Green MJA Day thuchah a sawi bawk.

Lawngtlai Press Club-a hun hman zawh hian Khuallian Pi Marilyn Rualzakhumthangi hovin District MJA te chuan DRDA Office bulah  thing tiak phunin, tha takin an hung nghal a.  Green MJA Day  hmannaah hian Lawngtlai DIPRO Pu C. Lalhruaitluanga pawhin a telpui a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post