.jpg)
Tunhnaia Lawngtlai DC in MJA, Lawngtlai hruaitute thingpui a inpui tumin, MJA hruaitute chuan, Raltlante chu awmzeneia enkawl an nihloh chuan, ruihhlo leh dankalha thildang Mizorama laluttu ah an tan an hlauh thu an sawi a.
Abikin Lawngtlai District a Raltlan awmte hi District mipui pawn kan hnampui a kan ngaih leh kan pawmthlapte an ni a, anni ho hian kan tana thilthalo chu an tihduh a rinawmloh rualin, an zingah pawisak nei lemlo inzepduh tan kawng a inhawng zau deuh a lang hi khuahkhrih ngailai niin a hriat.
Champhai lama ruihhlo an mansak zingah Raltlan an awm nual tawh niin sawi a awm a, inhlawhfakna hlawktak a ni a, khawsak a harsat zuallai chuan hetianga ruihhlo kengkualtua tangduh pawh hi an awm fur theiin a rinawm.
Raltlante hian Myanmar khua leh tui nihna an nei a, chu chu hmangtangkaiin, an duh hun ah Myanmar ah an lut a, an duh hun ah Mizoram ah rawnlut leh mai, ram pahnih kartawn pawh an awm nual tih a chiang a.
Ram pahnih ah buaina tawklova an duh ang anga an kartawn theihna hian, thilsual tiduhtan kawng a hawnzausak a, khuahkhirhna mumaltak a awmloh chuan Lawngtlai District pawh hian kan la tuar ang tih a hlauhthawnawm .
Mizoram chhungah pawh an duh ang anga an veivak thinte pawh hi awmzenei a an tana phurrit nisilova kaihhruaina mumaltak Sorkar in a siamlo a nih chuan, harsatna thleng palh thei a awm thei nualin a rinawm.