MNF Gen Hqrs, Aizawl a Adviser, Prof LH Chhuanawma, chuan May 20, Zirtawpni khan Ngengpui lei dawh mek chu a hmunah kalin a en.
Ngengpui lei hi Neckfeb Engineering Industries Pvt Ltd, Hqrs Gauhati in an dawh a. NEIP hian site office Ngengpuikai khuaah neiin, an Manager N Singh leh JE, A Das ten hnathawh hi an vil.
Prof. LH Chhuanawma chuan lei dawh chu a hma thei ang bera zo tur a chah in, harsatna an neih chuan tanpui a inhuam thu hnathawkte chu a hrilh a. Ngengpui lei hlui chu motor lian a tlan tha thei tawh loh vangin , Khawmawi, Diltlang South leh khaw dangten harsatna an tawk mek a ni.
Cheng Vaibelchhia 12 senna tur a ruahman Lei dawh hna hi kum 2014 atang thawh ni mahse, lei design siam that ngai leh Covid hripui avangin hnathawhlai chawlhan lailawk a ni a, hna a sawt loh thu company hotute chuan sawiin, dawhzawh huntur hi pawhsei niin, March 2023 a zawh tura ruahman a ni.
Lei dawhtute chuan hna chu an theih anga chakin an thawka, fur puiah pawh chhunzawm zel an tum thu a sawi.
