Lawngtlai West MLA in Hall pathum a phahtur Chhuatphah a hlan.

    Congress  MLA Pu  C.Ngunlianchunga chuan Mara mipui ten tuten nge hnam hnufual leh khawsak harsa zawkte ngaihsaka, tute Sorkar hnuaiah nge mipui ngaihngam taka an awm tih chu an hrechianga, MADC inthlanpui neihtur ah pawh Congress Candidate ten dinhmun duhawmtak an luah ngei a beiseiawm a ti.

    Tukin khan T.T Construction Lawngtlai ten, Hall pathum  Lawngtlai Bazar Veng, Thingkah leh Paithar Hall a phahtur, infiamnan a hman chi chhuatphah an pek a hlanna ah  The Lawngtlai Post  in a kawmna ah  Lawngtlai West MLA Pu C.Ngunlianchunga chuan, Congress Sorkar chuan tihtura a ruahman chu a ti thin a, rualtaka ram mipuiten hma an sawntheih nan hma a la thin a, heihi Mara mipuite chu a hrechiangtu an ni a ti.

    TT Construction ten Hall pathum a phahtur, chhuatphah an pek hi, Khua leh veng hruaituten dawngin, lawmthu an sawi a, Pu C.Ngunlianchunga chuan infiammi ten hmasawnna rahbi thar an chuankai phah a duh tih sawiin, miinphal te thiltih chu lawmawm a tih thu a sawi.

    Pu C.Ngunlianchunga chuan MPCC chuan MLA inthlan loawmturah Candidate tihfel a la neilo tih sawiin, amah ngei pawh MPCC in dingtura an tihna apiang chu thinlung taka a pawm thu a sawi a, a fapa C.Hmingthantluanga Firm, TT Construction chuan  Pathian malsawmna an dawn atangin Lawngtlai District chhungah, Mipui, Khawtlang leh Kohhran thleng pawn an luanchhuah   thinna chu Politics a inbeih nan a hmanga, kawihher chi a nilo a ti.