.jpg)
Hmasawnna duhlo Sorkar a awmtheih loh tawp ang. Hma kan va sawn chak silove. Khawilai ah hian nge fello awm a, an Party nihlote chu ram mipui an nihna ah dahhniam an ni thin em ?
Zawhna a tam thei khawp mai, chhanna fel tak erawh, rintlak tak a pek awlsam tak, rinngam siloh a awm tam thei viauin a rinawm.
Sorkar dintur a hmalakna hi hmasawnna intanna bulthut a ni a, Sorkar fawng vuantu nihloh chuan, ram tan pen ve ngawt a har thin, Political Party ten inthlanna a chak an duhzia chu, tuna MADC inthlanpui neihtur ah pawh a chiang a, Political Party hrang hrang hruaituten an thutchilhin, an kallam leh hawlam an insulpel suau suau a ni ber a, Sorkar an duhna chhan ber hi mipui dawmkan an duhna vang a ni tak tak angem le ?
Inthlan vuakveta theihtawp an chhuah ang hian, thuneihna an chan hnu hian mipui hnen hi thlengphak zui thin sela, inphahhnuai taka, mipui vote dila, Maurap In a inngaitlawm taka lutte hian, khawpui atangin mipui veizui lovin, an Vote an dilte retheihna leh harsatna sukiang tur hian beihpui thlak thin sela, chu chu a ni, ram hmasawnna bulthut intanna tur chu.
Mirethei leh hnuaihnung zawkte hi Voters an ningawt lova, khua leh tui an nihna zahsakin, Politician te hian an ngaihdan leh hmuhdan hi an thlak a tul a, chak an duh ang bawk hian, hmasawnna pawh an duh a ngai.