OFFICE OF THE MIZO NATIONAL YOUTH FRONT
DISTRICT HEADQUARTER, LAWNGTLAI
PRESS RELEASE
(PR No. 3 of 2022)
April 20, 2022 a Lai District Congress Youth Committee leh ZPM Lai District Headquarter ten Press Release an siamah, Chief Minister Pu Zoramthanga'n Areopagi, Lawngtlaia public meeting a neihah Police ten amah chibai buk nana Guard of Honour an pek chu Chief Minister-in Police-te zahawmna a tibawrhbang nia an sawi leh Guard of Honour a inpek tir anga thu an chhuah chu thil an hriat fuh loh avang leh Chief Minister sawi chhiat an tum hrim hrim vang a ni. Tin, Lai District Congress Youth Committee te hian Salami Sastra an tih hi engnge a ni tih ka hre lova, Salami Shastra erawh MNYF lam hian kan hria a ni.
Chief Minister Pu Zoramthanga hi April 18, 2022 khan Lawngtlai lo thlengin, Party Office a hawng a, chumi hnu ah Aeropagi ah public meeting a nei a. He hunah hian MNF District Hqrs., chuan Police te hnenah CM chu Guard of Hounour pe turin a ti lova, CM pawhin a thuneihna hmangin Guard of Honour a pek tir hek lo. Chief Minister hi a nihna avang zawkin Guard of Honour pek a ni zawk a, hei hi Police lamin an lo ruahman zawk a ni. Party lian inti pahnih tena MNF public meeting huaihawt an ngaihven em em mai hi a lawmawm tak zet a. Hei hian an party a tlakchhiat tawhzia a tilang chiang hle a. MADC General Election lo awm turah pawh an beidawng tan tawh a, party dang sawichhiatna tur ngawt an ngaihtuah a, Congress ho phei chu 'That loh theih lohna bawm' atangin thil tha lo an in zirtir mek a ni. Chutiang bawkin party hmasawn inti ZPM in MADC election-a seat awm zawng zawng an chuh ngam loh danah hian an party hian hma a sawn lo tih a hmuh theih.
Congress sorkar laiin kawng a chhe em em a, kawng chhe kal kanin khatih laia Chief Minister kha thlawhtheihna hmangin a zin thin. Hei hi kawng chhia a vei loh zia a tilang a, kan CM zahawm tak Pu Zoramthanga chuan Mizoram kawng dinhmun a tak ngeia hmuh a duh avangin lirthei hmangin a zin zawk thin a. Hei hian Mizoram kawng dinhmun hriatchian a duh zia a tilang chiang hle a ni.
Issued by : Mizo National Youth Front, District Headquarter, Lawngtlai