Editorial || LADC JUBILEE HIAN RAHTHA CHHUAH TEH SE.

LADC chuan kum 50 hmel a hmuchho mek a, Golden Jubilee hi ropui takin LADC Sorkar chuan a lawmchho tan mek a, naktip mai hi a lawmnapui ber khuhhawnna neih huntur niin, Jubilee pual Hla inphuahsiak phei chu zawhfel a lo ni tawh.

Kum 50 laimai LADC hruaitu Pathian ropuizia hi ram mipui ten hriatthar a tul a,  Sorkar hian ram mipuiten a ruala lawmthu sawina hunte pawh ala ruahman ngeiin a rinawm.

Jubilee hian thiltha tinreng rawn thlense tih hi mitin duhdan a nih a rinawm a, hetihlai hian, pawnlam langthei   ah ropui tak taka lawm a harsatna lai pawh a awmtheiin a rinawm. A pawimawh laiber ni a  lang zawk chu, ram mipuiten LADC ah    rinna an nghah hi a ni a, rinna nghahngamna ah hruaitute pawn an chhuah chhohzel a tul a, kum 50 sawngnawi tak nilovin, viaktha, midangte         tana belhfakawm a nih chhoh zel theih nan, a chhunga chengte pawimawhna hi a lian takzet in a hriat ani.

LADC hi neilo ila, kan awmdantur ngaihtuah chhin ila, chutatang chuan LADC hlutzia a fiah theiin a rinawm a, a hlutna hrefiahtur hian, a hlutlohna lam thlir   chiam a tullova, a hlutna belhchhah tur a tanlakna lam hawi thiam a pawimawh zawk a, Golden Jubilee   hian rahtha a chhuah theihnan tutepaw’n pawimawhna kan nei theuh tih hi pawm ila, LADC hlutna tipungtu nih i tum theuh ang u.