Hawnna inkhawm Christian Hospital tual a buatsaih ah Rev. R. Lalbiakliana chuan khawvel pumpuiah hrileng avanga mipui kan buai em em laiin, Hrileng hian chhiatna ringawt a rawn thlen lova, thiltha ti duh pawl te kaiharh in, khawvel hmun hrang hrang ah nasa taka hma an la a, thiltha tam tak a thleng tih sawiin, Oxygen siam chhuahna khawl Christian Hospital, lawngtlai in a neih theihna pawh thil tha ti thin Pawl pakhat atanga intan a ni a ti.
Oxygen khawl thar hawnna inkhawm hi Rev. R.Lalnunzira, Executive Secretary, Lawngtlai Area BCM chuan kaihruaiin, Dr.Lalramzauva, Director, Medical Department BCM chuan Technical report a pe a, report a tarlan anih dan chuan, Lawngtlai a Oxygen siam chhuahna khawl bun tur hian Asia Pacific Baptist Federation thurawn anga hmalak anih thu leh, Collective Power of One International, ten khawl an pek thu te, khawl bun fel anih hian, a pumpuia an senso zat chu Cheng Nuaih 14-16 inkar anih thu te, khawl an bun chu PSA Oxygen Generator Oxylife 3 tih anih thu leh vawi khatah Khum 20( Damlo 20 ) a chawm theih thu te sawilan a ni.