Mipui tan District Magistrate ringawt pawn khapna thupek a chhuah thin a, huhonun ah hian tihtur leh tihlohtur tamtak a awmsa a, ziaklohdan thlenga zawmtur a tamin, mipangngai tan chuan, an nundansa pangngai, an tihngailoh nisate chu khap a ngaihchang a awmfo bawk a, khapna thupek hi engtianga lo dawnsawnturnge tih hi mipui lamin an chian a tha khawp mai.
Mipangngai chu kawngpui tichep leh tihnawk zawngin a che ngailo, Pi leh Pu hunlai atang tawhin kalkawng tihhnawk ching chu anchhia an chungah a let thin an ti a, nunphung pangngai zawh lemlote vangin, kawngpui tichep leh tihnawkte chu khap a ngai ta a, hetiang tho hian ran khuahkhirhte leh thil dang pawh khap tul lemlova ngaih theih, khap ngai tlat si a awm nual bawk.
Thupek lekkawha, dan bawhchhiate manturin thawktu an indaihlo tih a chianga, Lirthei dah phallohna a dah hramduhte hian thildangah pawh dan palzut hrehna an neilemlo tih a lantira, man kher leh hauh kher ngailo hian, tihlohtur chu tilo mai ila, chu chu khua leh tui diktakte nundantur pawh a ni.
Tute emaw in an man leh hauh kher nghah hi mipuitlinglo zia a ni a, dan lekkawhtu an awmloh vangin khapna dan kha thlahdul a nilova, mipui tana thaturin khapna thupek hi chhuah thin a ni a, lo zawm chu mipuilam tihtur a ni thung.