MJA ten Golden Jubilee an lawmna kalmek ah, nimin khan LADC a Head of Department te pualin Media Awareness Campaign neih ah, Khuallian Pu H.Lalramenga Executive Secretary, LADC chuan, Sorkar hnathawh puanzar kawngah Chanchinbumite tangkai zawka hmang a tul thu a sawi a, Executive Secretary hian Journalist te pawimawhna a manfuhin, Chanchinbu hlutna a hrechiang tih a langfiah khawp mai.
Sorkar chu mipui vanga awm a ni a, Sorkar hnathawkte chu mipui tana thawktu an ni a, kumtluana mipui tana an hnathawh, an thawhsak mipuite hriattura puangzar lemlo Department te pawh a awmtheih a, tanlak tlan a tulin, Chanchinbumite kutke a hmangthiam Sorkar apiang, mipuiin an taneih deuh bik thin a, Executive Secretary in Officer te a fuihna hi a puitling khawp mai.
Khawvel thangzelah Print Media phei chuan hniamlam a pan hret hret tih a chianga, hetihlai hian Print Media hi mipangngai chuan thulaknan leh chanchin ngaihven nan ber an la hman erawh a ni thung a, Sorkar pawhin Print Media a hawisan theilova, mipui lam ah a hlutna hniam hret mahse, a pawimawhna erawh a nasa tulh tulh thung a, helai tak hi Sorkar pawhin a manfuh a tula, Chanchinbumite dawmkan kawngah LADC in hma a laknate hi chhuanawm tham a tling a ni.