District Level Task Force on Covid 19 Lawngtlai District, nimin a Lawngtlai DC hova thukhawm chuan, Hripui darh thar leh mek dangchattura hmalakna kalpui mekte an thlir a, theihtawp chhuah a hmalakzuizel nise an ti
Lawngtlai DC, Dr Andrew H.Vanlaldika chuan, Hripui thawh thumna chu tunlai hi Lawngtlai District ah a vanglai a thlenchhoh mek lai a ni tih sawiin, mitin ten hrilaka filhlim tura tihtur leh tihlohturte an zawm that a tul zual tih sawiin, Veng leh khaw tin bakah Kohhran tin ah SOP Implementation Committee dintur a tih a nih thu te, Veng, khua leh Kohhran engemawzat chuan din tawhin, thatakin an huamchhungah SOP zawmturin hma an lak thu a sawi.
Tun dinhmun ah Lawngtlai District ah Hrikai enkawllai 281 an awm mek a, an zinga 23 chu Raltlan niin, Raltlan zinga Hrikai enkawlna Lawngtlai AOC Veng a ruahman ah pakua enkawlmek an ni a, Khum 15 awmna DCHC Lawngtlai ah mi panga enkawl mek an ni a, mahni inlama inenkawl 261 an awm mek bawk.
Meeting ah hian Covid 19 kaihhnawih Department hotute leh Tlawmngaipawl hruaitute Chanchinbumite leh VC Association hruaitute an tel.