Lawngtlai District hi Myanmar nen ramri thuitak intawm a nih vangin, Raltlan lut pawh an thahnemlo theilova, Raltlante lo dawnsawna, enkawlzuina ah Sorkar, Khawtlang hruaitu, Tlawmngaipawl leh mipui inpekna hi a hlu takzet.
Heng Raltlante hi engchennge an awm dawn sawihleihtheih a nilova, Myanmar ram inrelbawlna hi kumhnih khat emaw a pangngai chho maitur ni pawn a hriat loh maithei a, Raltlan hi an la punzel pawh a rinawm bawk.
Tuna enkawl an nihdan hi a fellove tihlam nilovin, hunreizawk leh awmnei zawkin engtianga enkawl nge tha ang tih hi thuneituten an ngaihtuah mek lai hian, rawtna awmthei hrang hrang zingah, LADC huamchhung emaw, CADC huamchhung ah emaw, a nawlpui a la bawh lemloh hmun ruak engemawzat a awmtheitur ah ngai ila, chung hmunah chuan Relief Camp sa in, a tul phei chuan hmun hran hran ah, an eitur an daptheihna tur remchang awmtheihna tur ah te, khawthar ang deuhva dah nise, Relief Camp / Village mumal taka siam a nih chuan, kawng hrang hrangin enkawl pawh an awlsam phahin a rinawm a, heta sawilan remchiahlo thleng hian kan hmanthiam chuan awmzia thuitak pawh an neithei hial in a rinawm.
Thuneituten kawnghmang an hre lutuk tih chiang ila, enkawldan tha zawk hi reilote ah kalpui a nih ngei pawh a rinawm.