Sorkar Department ah hian a pawimawh pathum thlangchhuak dawn ila, Information Department hi hmaihtheih a nilovang, hetiang a nih lai hian he Department hian hma erawh a sawnchak lutuk silo.
Tuna LADC Sorkar ah hian hmuhtheihin I&PR hian hmalam a pan a, tunhma zawnga Sorkar leh mipui inkara palai hna thawk a, puanzar ngai puangzartuturte atanga Sorkar chetvelna mipui hriata puanzar a nih ngai meuhloh laiin, tunah chuan Sorkar thuchhuah hmuhtur a awm deuh reng ta a, heihian LADC Sorkar hian Public Relations a dah pawimawhzia a tifiah a, thil lawmawm tak a ni.
Kumdanga LADC in Calendar a siam thin chu a thlawnin semchhuah a ni thin a, mipuiten Sorkar zar an lo zove theihna remchang a niin, a that viau laiin, Sorkar chuan sum tamtak a sengral lawi si a, kumin hian mipui tana phurrit nisilovin, a hming chauhvin Calendar chu hralhchhuah a ni a, Sorkar sumbawm ah engemawzat a lut hi thillawmawm tak, chhunzawm zel chi niin a hriat a, hmanral ruala, engemawzat hmuhletdan remchang dapthiam hruaitute hian fak pawh an phu viauin a hriat ani.
I&PR Department hi Department lian leh mawm a nilo tih chu hriatsa a nih rualin, CEM, E.M leh Officer leh thawktuten hmalam pantuma rualtaka ke an penthei lai hi entawntham a tling a, tun dinhmunah duhthusamin felfai thlip thlep lo leh, khawilaiah emaw a kildum hmuhtur a lo awm a nih pawhin, tunang zela tan an lak chuan hmasawnna duhawm tak tak a chhawpchhuak in a rinawm.