KMMTTP in ram a tihchhiat zauzawng chu Sq.KM. 25.94 ani- CEM, LADC

     Lai Autonomous District Council a Chief Executive Member Pu V.Zirsanga chuan Kaladan Multi Modal Transit Transport Project hnuaia kawngpui sialin, ram a tihchhiat, zangna dawmna laktum te ram zauzawng thehdarh chu belhchiandawllo a nih thu a sawi.

    LADC a Chief Executive Member Pu V.Zirsanga chuan vawiin khan CEM Conference Hall ah Lawngtlaia thuthar thehdarhtute a kawmna ah, Chanchinbumite zawhna  chhangin, KMMTTP in ram a tihchhiat zauzawng, Square Kilometres 25940.05 ti a  Media lam a darh chu[The Lawngtlai Post] belhchiandawllo a nih thu sawiin, ram laktur chu Square Kilometres 25.94 a nih thu CEM chuan sawiin, thubelhchiandawllo vanga LADC Sorkar leh mipuite uchuaktaka diklo taka zangnadawmna beisei anga an lang chu pawi a tihthu a sawi.

        CEM Pu V,Zirsanga chuan LADC Sorkar chu Pension leh hnathar lak ah te awmzenei zawkin kal a tum tih sawiin, Zirtirtu semrual hna pawh thawhchhoh mek a ni a ti a, dan hnuaiah chhiahthar lak pawh kalpui a ni tawh a, ram mipuiten ramtan, an tana [The Lawngtlai Post] phurrit lo tur an chhunluh theih nan Sorkar chuan kawng a dap a ni a ti a, chhiah tlingkhawm chu tangkaitakin hman a ni zel dawn a ni a ti bawk.

          CEM chuan LADC chuan nakum hian kum 50 a tling dawn a, a theih anga ropuiin Golden Jubilee lawmtur hian ruahmanna siam mek a ni a ti a, Chanchinbumite chu mipuiin Sorkar hnathawh an hriatna hnar ber a nih vangin, thahnemngai taka ram leh hnam tan theihtawp chhuah chhunzawmzel turin a sawm.

        Lawngtlai District MJA chuan CEM Relief Fund ah Rs 2000/- an chhunglut a, LADC Sorkar in MJA te a duhsakna ah lawmthu an sawi.

          CEM hi Executive Member pahnih Pu Lalropuia Chinzah leh Pu L.Daniala te bakah Official pawimawh ten an tawiawm.