Nimin khan All Mizoram Skill Training Centre Association, Under NULM chuan, Lawngtlai District chhunga raltlante tanpuina atan Rs 22,500/Central YLA ah an hlan a, heng pawisa te hi Member ten an thawh khawm ani. Central YLA aiawh in President Pu HC.Vanlalruatpuia leh hruaitu dangten an lo dawng.
Central YLA Finance Secretary Pu T.Lalremsanga chuan Myanmar ram buaina avanga raltlan, Lawngtlai District chhunga lutte chhawmdawlna tura Kohhran, NGO, mimal leh Pawl hrang hrang atanga tanpuina an dawn tawh chu, Pawisa fai Rs 17,10,500/- anih tawh thu sawiin, pawisa bakah Buhfai leh Bungbel, thuamhnaw leh mutbu thahnem tak an dawn tawh thu leh, chungte chu raltlan te hnenah semchhuah reng anih thu a sawi a, raltlante tanpuina tura sum an dawn atang hian nimin thlenga an hman tawh chu Rs 7,44,400/- anih tawh thu a sawi bawk.
Myanmar ram buaina vanga mahni sahimna zawnga Lawngtlai District chhunga tlanlutte chhawmdawlna ah Central YLA chuan theihtawp a chhuah reng a, Raltlan chhawmdawlna petute chungah lawmthu an sawi.