Vawiin khan AH & Vety Minister Dr. K.Beichhua chuan Lawngtlaia District Veterinary Hospital Building thar Cheng Nuaih 90 senga sak chu a hawng.
Dr. K.Beichhua chuan sorkarin chak taka hmalak chhoh an tum mek laiin, Covid-19 hrileng avangin hmalak hleihtheih a nilova a,Mizoram siamtha a, enkawl turin MNF Sawrkar chu Pathianin a ruat a, , hrileng leh ramri buaina karah, Minister leh MLA te hi kut kuangkuah in an awm mai mai lova a ti a, AH & Vety Department hnuaiah, Veterinary Hospital chu District 7 ah sak a ni a, Lawngtlai a hawntak nen Hospital 4 hawn anih tawh tih sawiin, District thar 3 ah pawh Veterinary Hospital sakna tur sum pawh dah fel vek anih tawh thu a sawi.
Dr.K.Beichhua chuan Mizoram hi Artuiah kan intodelh lo hle a, hemi hrereng hian Sawrkar chuan Tanhril a Vety Farm ah Vawi khata Artui Singruk awpkeu theihnan ruahman mek a ni tiin, Lawngtlai District ah pawh Mampui AH & Vety Farm ah vawi khata Artui Sanghnih awp keu theihna Hatchery dah a ni tawh a, tihchangtlun tum mek a ni a ti.
Mizoram ah hri vangin Vawk 29704 chu an thi a,theihtawpin hmalak a ni a, Vawk 10380 lai suat a ni a ti a Mizoram chu Sa ah kan intodelh lo hle tih sawi bawkin, kan ran talh Za zela 70 chu hmundang atanga lakluh anih avangin, Vety Department chuan Sa a kan intodelh theih nan hma a la chho zel dawn a ni a ti
Pu H.Biakzaua, Lawngtlai East Bialtu MLA, Agriculture Development Board Vice Chairman pawhin thusawiin, MNF Sawrkar Pu Zoramthanga kaihhruaina hnuaiah Lawngtlai District in hmasawnna a hmu chho zel chu lawmawm a tih thu sawiin, Lawngtlai District chu Mizoram leh Myanmar in sumdawn tawnna tur Kaladan Multi Modal kawngpui sial mek in tanna anih avangin, Mizoram sawrkar pawhin a thlahthlam a rem lo a, hmasawnna hnathawh hmuh tur a awm reng ani ati a, Sawrkar Flagship Proggramme SEDP chu CM Pu Zoramthangan a puan tawh angin Kum thar 2022 atanga sem chhuah tan anih tur thu a sawi bawk.
Dr. H. Laltlanmawia, Director. AH & Vety department chuan Technical Report pe in, Hospital Building hawn tak chu Rs 90.00 lakh,Nuaih Sawmkua senga sak anih thu leh a sakna sum hi RIDF Loan Rs 85.05 lakh leh Mizoram in a tum ve tur Rs 4.95 lakh anih a sawi
Excise and Narcotic changtu,Minister Dr K.Beichhua hian vawiin chhun khan Lawngtlaia Excise & Narcotic Out post a tlawh a, thawktute nen inkawmin, mamawh an neih leh Department tihchangtlun nan a pawimawhte an sawiho a, hemi hnu hian Chawnhu ram a Eklavya Model Residential School a tlawh a, hemi hnu hian Lawngtlai chhuahsnain Siaha a pan.
Tags
News