Lawngtlai leh Lunglei inkar kawng chu, hnathawh theih hun a thlen ve leh Lawngtlai lam atanga hma la tanturin hnathawktute hriattir an ni
Vawiin khan helai kawng laihzauhhna thawhmek hi Lawngtlai DC Dr.Andrew H.Vanlaldika hovin, Central YLA hruaituten a hmun a enin, Tawipui North thleng an kal a, hnathawktu te chu Central YLA hruaitute chuan, hnathawh theihhun, fur ruahtui tlakloh hun ah Lawngtlai lam atangin hna tan tura an ngenna chu, Lawngtlai DC chuan, tuna kawngchhe zuallai chu Lawngtlai District chhung a ni a, hnathawhtheihhun hmasaber ah kawng chhiat zualna lai chu ngaipawimawh hmasaturin hnathawktu ABCI te chu a hrilh.
Lawngtlai DC chuan damlo na tak takte, hmanhmawh takin hmunpui lam ah phurh ngaite an awm thin a, tuna kawng dinhmun chu damlo inphurhna chi a nihloh thu sawiin, kawng zauhhna duh anga thawhhleihtheih a nihloh lai pawn, kawng khuar zuallai te chu a theih ang anga hnawh thin turin hnathawktu Company hotute chu a hrilh a, kawng chhiatzualna lai phei chu chhunzan zawmin, a tul hun a thawkchhuakthei turin khawl nen vilturin a hrilh bawk.
Lawngtlai leh Lunglei inkar kawng laihzauh hna thawh mek hi Lawngtlai DC hova an tlawh chin ah chuan, a nihdantur pangngaia motor tlantheihna tur chu tawite bak a awmlova, fur ruahsur lai phei chuan Car tan chuan kalngaihna pawh a awm manglohna tur lai a awm nual bawk.
Lawngtlai District chhunga zangnadawmna vanga kawng laihzauhhna thawh chhunzam harsatna laite DC chuan ennghalin, ram, neitu leh Company hotute nen a chinfel dantur a hmun ah an sawiho nghal.
DC leh Central YLA hruaitute hian Covid 19 Positive enkawlna 3rd IR Batallion hmun Thingkah a, CCC chu tlawh nghalin, tun dinhmun ah CCC atana hmanlai chu damlo enkawl theihzat tur a ngaih nen a chhutin, a dang ngaihtuahbelh la tul rihlo a an hriatthu CCC enkawltu lam te chuan sawiin, DC chuan a tul anga CCC chu ruahmanbelh tura hmalak a ngaihreng thu a sawi bakah, CCC a awmten Damdawi awlsam zawka an lam theih nan Health Department hotute lo sawipui a tum thu a sawi bawk.
Tags
News