LADC a MNF Legislature Party, Pu V.Zirsanga kaihhruai ah, Executive Member tur te vawiin hian lakluh an ni dawn a, Lakluhna hi LADC Hall ah chhun dar 12:00 ah tan a ni ang.
LADC a MNF Party kaihhruai Sorkar hmelthar ding chho mek ah, Lawngtlai DC chuan Executive Member turte hi rinawmna thu tiamtirin a lalut dawn a, tun dinhmun ah Executive Member lakluhturte hna chanpual tur hi puanzar a la nilova, reiloteah an enkawltur Department chu CEM in a tihfel nghal a rinawm.
Vawiin a Executive Member lakluhtur te hi an vaiin mi pakua an nih a rinawm a, The Lawngtlai Post in a hriatdanin, Executive Member tute hi, Sekulh bialtu Pu Lallawmsanga Apetow, Vathuampui bialtu Pu C.Rongura, Chawngte’P’ bialtu Pu Andrew Laltlanzara, Lawngtlai Bazar bialtu Pu Lalropuia Chinzah, Bualpui NG East bialtu MDC, Pu L.Daniala, Sangau East bialtu Pu BN Thangpuia, Sangau South bialtu MDC Pu JB Vanhoy, Lawngtlai Cillege Veng bialtu Pu C.Hrangthianga leh Diltlang South bialtu MDC Pu HC Lalthawmliana te an ni.
Executive Member atan a lakluhtur mi pakua te hi Governor in a pawmpuina chu District Council & Minority Affairs Department chuan karkalta Zirtawpni September 17 khan a tichhuak a, Governor in a pawmpuina tihchhuah a nih hnu ah hunremchang hmasaber enzawnin Executive Member atan vawiin hian Lawngtlai DC chuan rinawmna thu a tiamtir dawn ta ni.
