Central YLA hruaituten Tuichhak lam a Raltlan te tlawhin, tanpuina an hlan.

      Karkalta Zirtawpni leh Inrinni khan Central YLA hruaitute chuan an President Pu HC Vanlalruatpuia hovin,  Sangau RD Block huamchhunga Raltlante tlawhin, tlanpuina an hlan.

Central YLA hruaitute hian Raltlan awmna khua hrang hrangte tlawhin Buhfai leh Damdawi bakah Mutbu leh an mamawhtur thil chi hrang hrang, Raltlan te hi an pe a, thlamuang taka awmtur a chahin, theihtawp chhuahin Central YLA chuan an tan theihtawp a chhuahzel tur thu Raltlante hi an hrilh.

Myanmar ram buai vangin tunhnai ah a bikin Chin State atangin Lawngtlai District chhunga, inhumhimna zawnga lut an tam zuala, heng Raltlan ten kalkhan ber a neih Chhimtuipui kan a Saisihchhuah a an kaina thin chu, Mizoram lam kawng chu a chhe viau tih thu kan dawng a, fur ruahtui tlaklai phei chuan chetsualna liantham a thlen a hlauhthawnawm viau tih kan thudawnna chuan a sawi.

Raltlan zat hi hi, an rawn luhbelh reng vangin hriatchhian maitheih a nilova, tun dinhmun ah Lawngtlai District chhungah, Myanmar ram buaitirh atanga chanchin buatsaihlai thleng hian mi 2000 an tling tawh in a rinawm.