Lawngtlai ah August 9 thleng Curfew pawhsei ani

          Lawngtlai District Magistrate Dr Andrew H.Vanlaldika chuan Lawngtlai khawpui chhung ah chhun zan zawma Curfew chu karleh Thawhtanni thleng a pawtsei a, Curfew hi tum li pawhsei a ni tawh

        Covid 19 in Lawngtlai khawpui leh District chhung a tuam hneh tawh vangin, Hri darhtur chhutchah nan leh hrikai zawnchhuah a awlsam zawk nan District Magistrate chuan July 12 atang khan Curfew a puanga,Curfew hi pawhsei chhohzel niin, a tum li  nan vawiin khan District Magistrate chuan karleh Thawhtanni August 9, zan dar 7 thleng Lawngtlai khawpui chhung ah chhunzan zawma Curfew Order a chhuah.

        Lawngtlai khawpui chhung ah Bazar Veng leh New Vengpui te chu District Magistrate in Micro Containment Area ah a puanlai niin,  phalna neilote tan tlawhpawh theih a nilo

         Curfew hi khauhzawk a kalpui a nih theih nan Executive Duty hmun 12 a awm te bak ah khawpui chhung vilturin Lawngtlai DC Dr.Andrew H.Vanlaldika chuan Flying Squad Team thum a din a, heng Flying Squad te  hian  bial insemin, khawpui chhung dinhmun chu chhun zan zawmin an vil reng bawk a ni.