DC in Lawngtlai khawpui dinhmun a enfiah

         Vawiin khan Lawngtlai DC, Dr Andrew H.Vanlaldika chuan Lawngtlai khawpui chhung fangin, Buhfai, Oil leh Nitin mamawh dinhmunte a enfiah

        Lawngtlai DC hian MIZOFED Filling Station leh  State Sorkar in Buhfai a chhekkhawlna Kudam tlawhin, Petrol leh Diesel hi amamawhte hnen ah semrual mek a ni a, Supply Department hotute chuan tun dinhmunah Buhfai chhekkhawlsa a tamtawk tih DC hi an hrilh a, Lai Autonomous District Council hnuaia Market Control Committee Office tlawhnghalin, LADC a Executive Member pahnih, Pu K. Hre Kung leh Pu Lalropuia Chinzah te Office hi thutchilhin, Lawngtlai dawrkaia nitin mamawh an chhekkhawl  dinhmun chu a tha vaklo tih DC hi an hrilh a, daihzai leh awmzenei zawka nitin mamawh pekchhuah a nihtheih danturte an sawiho.

        Lawngtlai DC hian Electric veng, AOC Veng, Lawngtlai-III leh Lawngtlai Bazar Veng a Executive leh VLTF Duty te tlawh nghalin, tun dinhmun ah Lawngtlai chu khau zawka inkhuahkhrih chhunzawmzel a ngaih thu hrilhin, tan la deuh deuh turin a chah a, Executive leh VLTF te hian harsatna an neih leh tha zawka Curfew Order kenkawh a nihtheih nan a rawtna an neihte DC hnen ah hian an thlen.