District Council hnuaia awmte tan, Sorkar inthlakte, hruaitu inthlakte hi thilthar a nilova, zahthlak lama ngai hialte pawh a awm nual theih a, midangten Council an hmuhhniamna hmanrua pakhat a nihna laite pawh a awmtheiin a hriat a ni.
Mipuiten an awiawhtura an thlanchhuah ten, hruaitu thlak an duh miau chuan, dantheih a nilova, hruaitu thlak duhna hi engvanga piangnge tihlai hi a pawimawhlai niin a hriat a, hruaitu hmasaten an lo tih entawn vang ngawt chu thil nithei leh chhuanlam rintlak niin a lang lova, hruaitu thlak duhtute hian, ram leh mipui an hmangaih vang a ni em tih lai te hi hriatchakawm lai chu a ni thei ang.
Nimin maiah pawh LADC a Sorkar lai chhungkua ah hruaitu thlak duhna chu a takin a langchhuak a, Sorkar dinglai paihthlatute hian ram leh hnam tihmualpho an tum vang a ti an nih a rinawmloh a, langtlang sorkar leh hmasawnna khairual an duh vang a, hruaitu nilai duhkhawplohna piangta ni a an sawi hi, tuna Sorkar thar piangtur tehfung atan ram mipuiten an hman a tul viau in a rinawm.
Pawisa tam ringawt hi hmasawnna a ningawtlova, a awm ang ang hmanthiam hian awmzia a nei a, hetiang tho hian thuneihna pawh hmanthiamloh chuan awmzia a neilo thei a, Sorkar thar lo piangtur hian, an paihthlaktak Sorkar in tise an duh ang te leh a aia nasa zawkin ram leh mipuite hi an hruai leh hruailoh chu, thuneihna duh vang hrim hrim a paihthla an nih leh nihloh lanna tur a ni ang.