Lai Autonomous District Council, Fur thutkhawm, Pannel of Chairman, Pu VL Hmuaka kaihhruaia vawiin a neih ah, Chief Executive Member atan Paithar bialtu MDC, Pu V. Zirasanga chu chuhtu awmlovin Chairman chuan tlingah a puang.
 |
| V.Zirsanga |
Tarlan tawh angin, LADC Fur thutkhawm nimin atanga neih ah, nimin khan LADC a MNF Sorkar, Pu Manghmunga Chinzah kaihhruai chu MNF Member pali ten rintawklohna Motion an putluh hmangin paihthlak a ni a, vawiin khan Chief Executive Member thlanna chawhnu dar 2 a neihtur ah nimin tlai a Chairman a nihna atanga bangta Paithar bialtu MDC Pu V.Zirsanga leh Lawngtlai Chandmary bial atanga Independent a thlantlin Dr Lorrain Lalpekliana Chinzah te chuan Nomination file in, Session ah hian Pannel of Chairman chu a tlaihret vangin Member thenkhat leh CEM atanga paihthlaktak Pu Manghmunga Chinzah te chuan House zahlohna a nih thu sawiin, engemawchen sawiho a nih hnu ah, ( The Lawngtlai Post )Member 11, MNF Member 8 bakah CEM chuhtur a hmingpelut Dr Lorrain Lalpekliana Chinzah telin Independent Member pahnih, leh Congress Member pakhat ten House an chhuahsan a, hemi hnu hian Chairman Pu VL Hmuaka chuan Paithar Bialtu MDC, Pu V.Zirsanga chu Chief Executive Member atan chuhtu awmlova thlantlin a nih thu a puang ta a ni. (The Lawngtlai Post)
 |
| VL Hmuaka |
Pu V.Zirsanga chuan LADC ah rorelna dik, mipui sorkar a din theih nan hma an la dawn tih sawiin, mipuite chu thawhhopui atan a sawm a, Sorkar hnathawkte pawh ( The Lawngtlai Post ) Sorkar khalhngil an ngaihna ah hmalakpuiturin a sawm a, LADC ah MNF Legislature Party chuan Sorkar thatak a kalpui dawn a ni a ti.
Pu V.Zirsanga hi kum 2005 atangin LADC inthlanpui, tum 4 neih tawh a, a zawnin Paithar bial atangin thlantlin niin, chawllovin kum 16 chhung MDC a nihna a hmang mek a, LADC Sorkar ah hian Chief Executive Member bak ah Chairman leh Executive Member te lo nitawhin dinhmun pawimawh tak tak lo luah thin tawh ani.
Tags
News