Cheng Nuai 228 senga sak DTO Office Building thar Transport Minister in a hawng.

         

        Nimin chawhma lam khan Transport Minister Pu TJ Lalnuntluanga'n Lawngtlai District Transport Office Building thar cheng Nuai 228 seng a sak a hawng.

Transport Minister chuan Lawngtlai District ah Transport Office Building thatak mai hawn a nithei ta chu lawmawm a tih thu sawiin, Transport Department a thawktute chuan an thawkrim takzet tih sawiin, thawktu indaihlohna liantak hnuaiah pawh, a teber atanga a lianber thlengin theihtawp an chhuahna chu lawmawm a tih thu a sawi a. Eng hna pawh thawk ila, tihtak taka thawk thinte chuan hlawhtlinna an chang nge nge thin a ni a ti a, Lawngtlai District mipuite chu Transport Department nen thawhhona thatak an neihte vawngnung zel turin a chah.

DTO Office hawnna a khualzahawm, Lawngtlai East bialtu MLA, Vice Chairman Agriculture Development Board, Pu H.Biakzaua chuan Sorkar in Lawngtlai District chu a theih ang angin a thuam chhomek tih sawiin, Lawngtlai leh Sangau inkar bakah Lawngtlai leh Zochachhuah inkar ah State Transport Bus Service tir a tul thu te, Thlengang leh Vartekkai inkar, Chhimtuipui ah Marboard dah tur leh DTO Office Lawngtlai a thawktu indaihlohna sukiang turin  Transport Minister chu a ngen.

Lawngtlai a DTO Office hawnna ah hian LADC a Chief Executive Member Pu Manghmunga Chinzah pawhin thusawiin, he hun ah hian Mamit bialtu MLA Er H.Lalzirliana bakah Trannsport Department hotute bakah,  LADC a Executive Member te  State Sorkar hotute leh   sawmbik mipawimawh te an tel

DTO Office Lawngtlai hi NEDP pawisa cheng Nuai 228 sengin June 20, 2016 ah saktan niin, nikum 2020 January 31 khan sakzawh a ni a, Hripui leng vangin a hawn hun hi sawn  niin, nimin khan hawn a ni thei ta a ni

DTO Office Lawngtlai hi Mizopa chhiar a chhawng thum niin, Square Metres 658.81 a zau ani.