Lawngtlai tan Mualcheng South in thilpek thahnem tak an hlan

            Vawiin khan Mualcheng South khawtlang chuan District Level Task Force on Covid 19, Lawngtlai hnen ah chawhmeh thahnem tak an hlan

            Mualcheng south hi Lunglei District chhunga awm ni mahse, Chawhmeh leh thildang te an zawrhna leh an chak lakna ber hi Lawngtlai Khawpui niin, Lawngtlai Khawpui chhungah Hrileng avanga harsatna thleng mek vangin,   Lo leh Huan leh ram lam atanga Chawhmeh chi hrang hrang an lakkhawm chu vawiin khan Lawngtlai District Level Task Force on Covid-19 kutah hlan in, heng an chawhmeh lakkhawm te hi Motor Trip 5 lai a ni a, Chawhmeh lamchi, thlai hnah leh thlai rah bakah, thei lam chi te, Rawtuai leh Lakhuihthei te nen, avaiin chi hrang  22 lai niin,  hengte hi DLTF ai awh in Pi PT.Beikhaizy, SDO ( Sadar) chuan alo dawngsawng a, heng chawhmeh chi hrang hrangte hi Lawngtlai Khawpui chhunga Home Quarantine leh Home Isolation a awm mekte hnenah VLTF  kaltlangin an sem chhuak  vek dawn ani.

            Heng thilpek rawn petu Mualcheng South te hnenah hian lawmthu sawi nan DC Office chuan Turpauline 3 an pe a, Lawngtlai District VC Association in Rs 3000/- leh MJA Lawngtlai District ten Rs 1000/- an lo pe a, Mualcheng South khawtlang hnen a lawmthu sawinan New Vengpui VLTF chuan Buhfai bag hnih an hlan bawk.

             Mualcheng South VCP Pu C.Zosangliana chuan Lawngtlai hi Mualcheng South mipui ten sum an lakluhna leh chakkhai an lamna ber a ni a, Lawngtlaia kalte duat taka lo enkawl a, eiturte lo pe a, lo kilkawi thin tu Lawngtlai Khawpuiin harsatna Covid an tawk hi a pawi kan ti a, kan theih ang anga tanpuina kan pek hi kan tihtur ah kan ngai ani tiin,  thilpek an dawng let chu an beisei loh anih thu leh lawmawm an tih thu a sawi.