Lawngtlai-ah Journalist Workshop neih niin, Accreditation Card sem nghal a ni.

         Vawiin khan Lawngtlai Press Club ah DIPRO, Lawngtlai  leh MJA Lawngtlai Dist tangkawp buatsaihin Journalist Workshop neih a ni a, Press Accreditation Card sem nghal a ni

        District Information & Public Relations Officer, Pu C.Lalhruaitluanga chuan, hripui leng vangin kuminah Accreditation Card semchhuah maitheihloh a ni chu pawi a tihthu sawiin, Lawngtlai District a MJA Member pasarih lai mai  Accredited Journalist an nithei chu lawmawm a tih thu a sawi.

        He hun, MJA Vice President Pu Elvis Lalthangzuala kaihhruaiah hian District MJA President Pu Lalngheta Ralte chuan, Sorkar chuan Accredited Journalist te chu tun aia awmzenei zawka   a hmantangkai tul a tih thu sawiin, Accredited Journalist  te chuan an nihna zahawmtak chu vawnghima, tih-zahawm chu an tihtur a ni a ti a, ramin hun harsa a tawh karah Journalist te chu Covid 19 Frontline Worker a dah tura Lawngtlai District MJA ten Chief Minister ah an ngenna chu chhanna an la hriatloh thu leh, Sorkar chuan a tihfel thuai an besei thu a sawi

        Chawhnu lama Journalist Workshop neih ah DIPRO, Pu C.Lalhruaitluanga chuan Journalist te dinhmun leh hmasawnna tur leh tanlakna tur hrang hrang a sawi a, hlawktakin  Lawngtlai Journalist te chuan hun an hmang ani.