Hripui leng karah Ni 41 MGNREGS hnuaiah inhlawhna siam a ni tawh

        Tun Sorkar kum kallaiah MGNREGS hnuai ah Lawngtlai District-ah Ni 41 inhlawhnatur pekchhuah a ni tawh.

        Pi Marilyn Rualzakhumthangi, Project Director, DRDA Lawngtlai chuan hripui leng karah Central leh State Sorkar in miharsa zawk ten inhlawhfakna an neihtheih nan theihtawp chhuahin hma an la a, hri laka invenna kalpui chungin Lawngtlai District a Block pali, Lawngtlai, Sangau, Chawngte leh Bungtlang South Block ah te Job Card nei chhungkua  35,250 te chuan MGNREGS hnuaiah Ni 41 chhung  inhlawhna  an nei tawh.

        DRDA Project Director chuan Department dang nen tangkawpin hna tangkai tak tak thawh a ni thu a sawi a, kumin hian kuthnathawktuten an hlawkpuitur, ruahtui khawl leh thlai chinna tur siamsak te chu ngaihpawimawh bik a ni anih thu The Lawngtlai Post a hrilh a, kumin September thla ah chuan inhlawhna tur pekchhuahzat hi Ni 52 a tlin beisei ani.