Chawngte 'P' ah Hrikai enkawlna tur in Bawm dawh

          Hrikai ten a thlawna enkawlna an dawn theihna turin Chawngte 'P' VLTF te chuan tanpuina tur bawm an dawh a, Tukin khan  Ni 100 inhlawhna an lâk atangin mipui ah anmahni phalna ngei a, hrikai te enkawlna tura an vawm khawm theihna turin bawm hi dawhin,  mipui sum thawhkhawm hi Rs. 13,300/- a tlingkhawm thei a, Chawngte 'P' 4C Management Committee chuan phal taka sum thawhkhawm tute hnenah lawmthu an sawi.

        Chawngte Area ah hian hrikai 771 hmuhchhuah tawh niin, mi 696 te an dam tawh a, enkawl lai 69 an awm mek a, Hri avangin mi 2 an thi tawh. 

    Hri danna pek chhunzawm zel a ni a, CHC Chawngte ah Dose khatna mi 3639, Dose hnihna mi 767 pek an ni tawh a, PHC Borapansury ah Dose khatna mi 1006 leh dose hnihna mi 189 an pe tawh bawk. Natna benvawn neite, a bikin kum upa lam zawngchhuak vek tura hmalak a ni a, Nu naupai pawh felfai taka list neih a, an dinhmun  hriat zel tumin hmalakna kalpui a ni.