A tum thum nan Lawngtlai District Magistrate Dr Andrew H.Vanlaldika chuan Lawngtlai khawpui chhung ah karleh Thawhtanni thleng Curfew a pawtsei.
Covid 19 in Lawngtlai khawpui leh District chhung a tuam hneh tawh vangin, Hri darhtur chhutchah nan leh hrikai zawnchhuah a awlsam zawk nan District Magistrate chuan July 12 atang khan Curfew a puanga,Curfew hi pawhsei chhohzel niin, a tum thum nan vawiin khan District Magistrate chuan karleh Thawhtanni August 2, zan dar 7 thleng Lawngtlai khawpui chhung ah chhunzan zawma Curfew pawhseina Order a chhuah.
Curfew hi khauhzawk a kalpui a nih theih nan Executive Duty hmun 12 a awm te bak ah khawpui chhung vilturin Lawngtlai DC Dr.Andrew H.Vanlaldika chuan Flying Squad Team thum a din a, heng Flyring Squad te khan bial insemin, khawpui chhung dinhmun chu chhun zan zawmin an vil reng bawk a ni.
Khawpui chhung Curfew a nih vang hian, thingtlang lama atanga chakkhai lamduhte chuan VLTF ve ve indawrin, chakkhai an lamtheihdan ngaihtuahsak an ni thin
Tags
News