MIPUITE HNENA HRIATTIRNA
Covid 19 hrileng avanga 11.5.2021 thleng sorkarin inkhuahkhirhna a siam zul zui in Vengchhung mipuite kan him tlan zawk nan VLTF, Chandmary chuan a hnuai ami ang hian ruahmanna a siam a, zawm theuh tura ngen leh hriattir kan ni e.
1. Damlohna thil leh emergency thil a nih loh chuan tumah pawn chhuaklo turin kan inhriattira, VLTF Lehkha pawh heng mite hnenah bak pekchhuah a nilo ang. Thenawm khawvengte pawh inlenpawh phal a nilo. Pawn chhuakte Face mask vuah ngei ngei tur leh hand sanitizer hmang uar tur a hriattir kan ni. VLTF lehkha hi pawimawh tak taklo chuan dilloh tur a ni.
2. Khawdanga kal/zin tur reng rengin VLTF ah lehkha(Permit) lak zel tur a ni a, hei hian raltlan hmundang/khawdanga insawn tur pawh a huam ang.
3. State pawn leh Aizawl atanga lokal emaw lo haw te VLTF ah report ngei ngei tur a ni a, State pawn atanga lo kalte ramri ah RATg test Negative pawh nise ni 10 dang home/ community Quarantine centre ah dah tur an ni a, ni 10 hnuah TrueNat-a test nawn leh ngei ngei tur a ni ang. Tin, Aizawl atanga lo haw te ni 7 Home quarantine tura beisei kan ni a, ni 7 hnuah RATg self test nei turin kan inngen a ni.
4. Khawi hmun atanga pawha mikhual nei reng reng ten a rang thei angberin VLTF ah report tur a ni a, report lo harsatna tawk kan awm a nih chuan mikhual thlengtu chhungkuain mawh an phur ang. Tin, raltlan lo thlengthar reng reng Branch YLA ah report hmasak ngei ngei tur a ni.
5. Quanrantine chungchangah Vengchhungah Community Quarantine Centre hmun khatah chauh kan neih avangin hetiang hian ruahmanna siam a ni a, vengchhung mipuiten hrethiam turin kan inngen e.
Community Quarantine Centre ah hmunawl a awmlo a nih chuan Quanrantine ngaite chu anmahni inah Isolation na tur hran annei a nih loh chuan VLTF te leh chhungkaw lamte inrawnin Quarantine dan tur ruahman tur a ni ang a, chhungkua emaw mimal in emaw quarantine tur a ni ang.
Mizoram hmundang atanga lo haw te pawh an lo hawna hmun a zirin Home Quarantine tura beisei kanni a, Quarantine dan tur chungchang chu VLTF leh chhungkua te in rawnin ruahman a ni ang.
Khawthlang lam, a bikin Chakma area ah hrivei an pun nasat avangin khawthlang lam atanga lokalte chungchangah pawh mitinte fimkhur turin kan inngen a, mikhual neih chungchang emaw quarantine chungchangah thenawm khawvengte mit tikham zawnga khawsa an awm a nih chuan a rang thei angbera VLTF a report turin kan in hriattir e.
DAWR HAWN CHUNGCHANG :
1. Sorkar thuchhuak angin THAWHTANNI, NILAINI leh ZIRTAWPNI ah te chawhma dar 11:00Am thleng Nepnawi leh nitin mamawh zawrhna dawr, motor parts zawrhna leh Oil zawrhna, Cement, Rod leh Hardware dawrte hawn theih a ni ang. A bakah chuan hawn theih a nilo ang a, hei hian Dawrte(Petty Shop) pawh a huam ang. Tin, dawrkai te hun vawngdik tur leh dar bi pel lo tura hriattir kan ni a, a pelluite chungah nataka action lak a ni ang.
2. Sa zuar, Thlai zuar leh Sobji Dawr kai ten Thawhtanni atanga Zirtawpni thleng zing dar 11:00am thleng zel an inhawng/inpho thei ang a, hunbi an pel tur a nilo. Hunbi pelte chungah action lak a ni ang.
3. Chandmary Square Bazar shed a thlai leh Chawhmeh pho tur reng reng ten LINE MARKING siam chhungah zel an inpho tur a ni a, Mask vuahin Social Distancing an ngai pawimawh hle tur a ni.
3. Bungraw unload/load tur reng reng ten zan dar 6:00Pm atanga 8:30Pm inkarah load/unload tur a ni a, harsatna neiten VLTF ah report tur a ni ang.
4. Inrinniah dawr zawng zawng khar tur a ni ang a, Sa zuar leh chawhmeh zuarte pawh mahni theuh lo insiamrem turin kan inhriattir e.
Sd/- Secretary
VLTF, Chandmary, Lawngtlai.