April 29 khan DC&MA atangin LADC a Nominated Member neihtheihsa, pathum bak ah, pakhat dang neihbelh phalna tihchhuah a ni a, tihian Nominated Member pali, LADC ah an awm thei dawn ta.
Dan hnuaiah Sorkar chuan Nominated Member pali neitur hian hma a la a, hmalakna a hlawhtling ta hian Sorkar in atum a tihlawhtling tih a langchianga, thillawmawm tak a ni.
Hetihlai hian, engvanginnge Nominated Member hi neih belh a tul tak ? Nominated Member te hian ram tan engtiang chiah in nge tangkaina an neih, tihte chu zawhna awmthei a ni a, a chhangtu a zirin chhandan a inanglo fur lo thei lova, Sorkar in mamawhbelha hriain hmalak a ni a, mipui tan inrawlh na tur kawng pawh a kaw chiah lemloh laiin, ram inrelbawlna ah mipui lam chuan ngaihdan an sawive a remlohna erawh a awm hran chuanglo.
Nominated Member pakhat neihbelh hian, sum leh pai ah nghawng a nei chho nghal a, chulam chu engpawhnise, tuna Elected Member 25 awmsa bakah Nominated Member pali neihbelhtur te hian ram leh hnam hruaina ah nasa zawkin awmzia an neih phah tur ah beisei ila, ram inrelbawlna ah Nominated member neihbelh a lo tul viau ta ni a lang hian, mipui lamin an thlanchhuah ngei Member neih belh an mamawh zia a tilangin a hriat a, Sorkar hian Member tamzawk nen ram hruaina ah ke pen a mamawh tih a langchiangin a hriat a, heivanga Nominated member tihpung an ni tih pawh a chiang awm e.