Nimin khan Lai Autonomous District Council a Chief Executive Member Pu Manghmunga Chinzah kaihhruaina hnuaiah LADC Disaster Management & Relief Committee neih a ni a. Lai Autonomous District Council a sorkar hna nghet thawkte an ni khat hlawh thawh tura ngen ni se an ti a. Member of District Council (MDC) te Covid-19 dona atan an ni hnih hlawh dil nise ti bawk.
Lai Autonomous District Council DM&R committee chuan, LADC huamchhunga Village Level Task Force te tanpuina pek ni se an ti a. Tin, medical lam te an hnathawhna kawngah hah leh chauh pawh sawi lova, theihtawp an chhuahna chu lawmawm an ti a, indaih zawka hna an thawh theihna turin Lab.Technician pathum , thla thum chhung atan rawih sak ni se an ti bawk.
Tunlai hian Lawngtlai District ah Covid-19 Vaccine pek hna chu kalpui meka ni a. Hemi kawngah pawh hian District Council chuan a theih ang ang a tanpui ve ni se an ti bawk a. Ei leh barah harsatna tawk an awm anih chuan theih ang anga buaipui a, chhawmdawlna hna thawh nise an ti bawk a. Covid-19 dona atan LADC a Revenue Collection atangin cheng Nuai 2 ngaihtuah tura tih an ni bawk.
Meeting hian kum kalta a CEM Relief Committee on Covid-19 chu kalpui chhunzawm zel nise a ti a. He Committee Secretary atan Pu Thathluna Chinzah, Nodal Officer DM&R chu ruat a ni.
Tags
News