Hruitezawl chhaklawk, Chhimtuipui a lung pianzia mak, mawi leh danglam tak tak te chuan ngaihhlut a hlawh chhoin, tlawhtu pawh an tam viau tawh a, an pun chhoh deuh deuh pawh a rinawm.
A hming chungchang ah hian sawidan inanglo a awm thin a, a hmuna kalngei te pawn hriatfuhloh a neih theih viau tih pawh a chiangin a hriat a, ka sawitur hi ka hmuhdan a ni a, kan pawmdan nen pawh a inmillo thei maithei e.
Hruitezawl atanga han kal chhoh hian, mi tam zawkin kan zuk tlawh thin, Lungpui awmkhawm (timai ang aw) thlen chhoh hma deuh ah khuan, Siaha District lam dep ah Lungpui, Lawng ang tak a awm a, khu khu Mara ten Saphoa an ti a, Hording pawh a intar a, heihi mitamtakin Meilawng ti a kan sawi hi a nih hmel a, Lui mawng lam atanga kalte tan, he Lawng angtak Lungpui hi kal pelh mai a awl viau a, kum tamtak chhung tuilianin a lo hrut tawh, Lungpui in Lui hnar lam a hawina lam hi Lawng hmalam a ang tak reng bawk a, heihi hriatfuhloh chuan, kalpelh mai awlsam tak a ni awm e. Kallam a hmufuh lemlo tan, hawlam ah ngunzawk in luikam veilam han thlir thla ila, Lawng ang tak lungpui hi hmuhhmaih theih a ni awm love.
He Saphoa / Meilawng chhak deuh ah hian Lawngtlai District lam ah Lungmak / Lungmawi ti a sawi hi a awm thung a, helai a lungpui mawi, mak leh dangdai tak tak te hi, khulai hmun tlawhtuten kan tlawh tam ber a ni thung a, helai hi Meilawng nilovin, Lungmak / Lungmawi ti a sawi hi a nih hmel zawk a. Helai a Lungpui chungzawl, lui mawnglam hnaih ber a awm, a chungzawl a, Hording intarna atangin, lui mawnglam hawiin han thlir thla ila, luikam veilam ah Meilawng chu hmuh mai theih in a awm.
Khulai a kan hmun hlu tak khu hrechianglo a awm ve theih dawn a ka hriat vangin ka han ziak deuh mai mai a nia, khualzin hiptu thatak mai kan nei hi i hlut chho deuh deuh ang u.
Hetiang a nih vang hi a nih ngei pawh ka ring a, Lawngtlai District Magistrate in khulai a khapna thupek a chhuah ah pawh Lawngtlai District lam a awm chin zawng, Lungmak / Lungmawi ti a a hmun hming pawh tarlan a nih thin ni.