February Ni 19 atanga Lawngtlai District chhunga Covid Vaccine pek chu chhunzawm zel niin, nimin khan MJA Lawngtlai District member te pawhin Vaccine an la.
Covid Vaccine hi Lawngtlai district ah February Ni 19 atang khan Healthcare workers te hnenah pek tan ani a, Healthcare workers te hian Dose hnihna an la vek tawh a, An zinga engemaw harsatna avanga la ve hman lo te leh Frontline Workers te hnenah Thawhtanni atang khan Vaccine hi pek tan a ni a, nimin khan pek chhunzawm chhunzawm leh niin, nimin khan Frontline workers VLTF leh MJA bakah, Traffic police te henah Vaccine pek ani a, hemi rual hian Senior Citizen Kum 60 chin chunglam leh kum 45-59 natna benvawnnei te hnenah Vaccine hi pek ani bawk.
Nimin vek khan Lawngtlai District chhung Vathuampui, Parva, Damdep leh Longpuighat ah Healthcare workers, Assam Rifle, BSF, VLTF leh Senior Citizen te hnenah Covid Vaccine hi pek ani bawk.
Heti hian tun dinhmunah Lawngtlai district chhunga Covid Vaccine pek tawh zat hi 1st Dose ah mi 1655 leh 2nd Dose ah mi 521 ani a, Vaccine hi pek chhunzawm zel ani dawn ani.