Myanmar ram chu Sipai thuneihna hnuai ah a awm mek a, nitinin mipui rorelna tundin phutin khawpui hrang hrang ah mipui an pungkhawm a, nunna chanphah pawh an awm nual tawh a, an khawngaihthlak takzet a ni.
Ram engemawzat chuan Myanmar a Sipai thuneihna an duhloh thu an sawi a, India pawhin sawi chu neitho mahse, tanlam a neih manfuh a har deuh ni a sawi a ni.
Lawngtlai District nen a inri Myanmar ram chhung ah Zo hnahthlak tamtak an awm a, hengmite thlavang hauh a, thlamuan chu Central YLA chuan a tih ngei ngei tur a ni tih hriaiin, thuchhuah hial an lo siam tawh a, LADC a CEM pawhin Chanchinbumite hma ah, Myanmar ram a mipui tawrhna thleng chu pawi a tih thu leh, kan unaute hian minbel a nih chuan theihtawpin tan kan la ang a ti a ni kha.
Social Media lam ah a engahmah hre mumallo leh ngaihtuah mang lova, LADC Sorkar hian thuchhuah nei rawh se, tih lam hawi hmuhtur te a awm leh nawlh thin a. Myanmar ram chungchang ah hian LADC Sorkar hian thuchhuah a siam ngawt hi a tihtur a ni em tih ngaihtuah ve te pawh a tha a, ram hrang daih a ni a, hetiang kawng ah chuan Central Sorkar in a ngaihdan a puanchhuah bak, midang tan inrawlh a remlohna a awm ve tihte pawh hriat a tha a, hruaitute kan beisei dan ah hian, beiseina tur awm ang deuhte pawh ngaihtuah a tha a, an tihtur awm ang chu a tiin a hriat.