Nimin khan Lawngtlai District atanga SEDP hnuaia Arvulh thlangtute tan Training buatsaih ani.
Farmers Training Hall AH & Vety Complex Lawngtlaia he Training ah hian Sawrkar Flagship Programme SEDP hnuaia Arvulh thlangtu, Chhungkaw 20 te kohkhawm ni, District Veterinary Officer Dr. Thanseia Khiangte, leh Dr, Charlie C. Chawngthu, Veterinary Officer ten Arvulh dan leh SEDP kalphungte hrilhfiahin, an zirtir a,
AH&Vety hnuai a Socio Economoc Development Programme, Lawngtlai District a kalpui tan turah Arvulh thlangtu chhungkaw 20 hnenah Ar in sakna tur leh Archaw leh Tui pekna tur hmanrua lei nan 1st Installment ah Rs. 64,000/- pek phawt an ni dawn a, Ar In an sak zawh ah, Arte leh Archaw leina atan Rs 86,000/- 2nd Installment ah pek leh an ni ang. Heng Pawisa te hi Beneficieries Bank Account ah thunsak vek an ni dawn a, Arvulh thlangtute hnenah hian Broiler 400 vulhtir an ni ang a, Sawrkar Deptt lamin an enzui ang a, a tak taka thawklo hnenah 2nd Installment pek an ni dawn lo ani.
Training-ah hian Ar vulh hlawhtlin dan te, Hrisel taka Ar enkawl dan te leh Archaw, Tui leh Damdawi Ar in an ngeih tawk chiah a pek dan te zirho ani a, A pumpuia Beneficieries hnenah an pawisa pek tur hi Rs 150,000/- ani ang.