December ni 4 a Lai Autonomous District Council inthlanpui neih a vote tlate chu nimin khan Lawngtlai ah chhiar a ni a, bial awm zawng zawng 25 ah MNF Party Candidate ten bial 20 lain LADC ah MNF Party Sorkar na a piang dawn ta.
Vote hi chawhma dar 10 atangin Lawngtlai DC Coference Hall No 2 leh BNRGSK Hall ah te chhiar niin, chawhnu dar 3:30 khan chhiar zawhfel a ni a, Bial 20 ah MNF Candidate te thlan tlin niin, BJP leh INC ten bial khat ve ve changin, Bial thum ah Independent Candidate te thlantlin an ni.
LADC a CEM Pu T.Zakunga chu BJP Ticket in a bial ngai Vawmbuk bial atangin thlantlin a ni a, LADC Sorkar hnuhnungber a Chairman Pu V.Zirsanga chu MNF Ticket in a bial ngai Paithar bial atangin thlantlin a ni a, Congress Party Legislature Party Leader Pu C.Sangchhunga chuan a bial Lawngtlai Bazar bial a hum zolo a, Deputy Chairman Pu LR Dingliana Chinzah chu a bial ngai Lawngtlai AOC Bial ah Independent in thlantlin nawn a ni.
Tuntum inthlanna ah hian MDC la ningailo mi 12 thlantlin an ni a, heng zing a 10 chu MNF Candidate niin, Congress leh Independent Candidate pakhat ve ve an awm bawk.
MNF candidate te tlinna bial chu Sangau East, Sangau West, Sangau South, Cheural, Lungtian, Bualpui NG East, Bualpui NG West, Lawngtlai College Veng, Lawngtlai-III, Paithar, Diltlang South, Chawngte ‘P’, Bungtlang South, Sekulh, Sakeilui, Lawngtlai Vengpui, Lawngtlai Bazar, Tuithumhnar, Vathuampui leh Lawngtlai Council Veng te niin, Lungpher South ah Congress, Vawmbuk bial ah BJP Candidate thlantlin a ni a, Lawngtlai AOC, Lawngtlai Chandmary leh M.Kawnpui bial ah Independent Candidate te thlan tlin an ni.