Laifate vangin LADC hi awm a ni a, mahni a ro in relna hran nei a, Autonomous District Council, Lai hming chawi ngeia a awm hi a hlu takzet a, kan hruaituten an sawifo thin chu, heilo hi Laifa ten khawvel hmundang ah ramdang an neihloh thu hi a ni a, heihi a dik a, LADC hi Lai Hnam tan Kulhbing, Laifate tan Jerusalem a ni tih hi chianglo a awmtheih loh hial in a rinawm.
Mizoram a ADC zing ah LADC hi a ropui ber hialin a rinawm a, a chhung ah hnam hrang hrang, lungrual taka LADC in a kuahkhawm tlat mai hi a ropuina lai leh a zahawmna laitak pawh niin a hriat a, heitak hi India ram kalphung diktak, LADC in a chhawmnun tlat, chhuanawm tham a tlingin a hriat a ni.
Hetiang ang a nih mek lai hian, hnam anga inrelbawlna kalpuina hmun LADC ah, chi leh chi, hnam leh hnam anga engmah kalpui a nih ngaihloh rualin, a theih hram chuan, hmun laili hi Laifa ngeiin luah chho zel se tih hi hnam anga ngaihtuahna seng thinte leh LADC hmakhua thlir thinte duhthusam a ni in a hriat a ni.
Politics a hakzauhna hmanrua atan dinhmun pawimawh tak tak chelhtur a awm thin a, heng ah hian thlauhthlakbik neih a remlohna lai tamtak a awmtheih tih a chiang a, heng ah tak hian, Lai hnam leh LADC zahawmna khaidinna hmun deuh bik chanpual a awm tih te pawh Sorkar thar piang chho mek hian a hre chiang em em in a rinawm a ni.