LADC Inthlanpui neih a vote tlate chu chhiar zawh a ni ta a, Bial 25 ah MNF Party Candidate te chu bial 20 ah thlantlin an ni a, bial nga dang chu- an candidate dangte thlan tlin an ni thung a, inthlan result hian enge entir a neih tih hi thlantlinte leh an Party hian an chhutthiam a pawimawh viau in a rinawm.
Bial 25 a bial 20 lathei Party in sorkar an siam dawn a, ram mipuite hian MNF Party ah rinna pumhlum an nghat tih inthlan result hian a tilang chiang viauin a hriat a, election a ni a, za ah za chu thil theih nitho mahse, a harsatna chin a awm a, bial 20 zet a chakna an channa chhan hi, ram mipui ten kawng hrang hrang ah MNF Party ah rinna nasa tak an nghat a ni tih erawh a chiang viau in a hriat ani.
Hetiang bak a mipui sawrkar dintur a mipuiin an duh zia an lantirna hi LADC Inthlan ah hian a la awmlo hial in a rinawm a, heivang tak hian Sorkar thar piangtur hian awmze nei a ram an hruai a pawimawh zual dawnin, mipui hian ngun zawkin a thlir dawn a ni tih a chiang a, Party mal chu sawiloh, chhungkaw Politics nuaibo te chu an hotute duhdan pawh a nih vangin, sorkar thar chu huapzo sorkar, ram mipui te lenvekna, ramin hmasawnna rahbi tha zawk a chuankaina tur a nih ngei a beiseiawm a ni.