Tuntum inthlanna neih kha Lawngtlai District chhung a inthlanpui neih tawh zawng zawng ah a felfaiin, a muanawm ber a ni pha hial in a hriat a, Central YLA President meuh pawn, lawmawm a tih thu a sawi hial a ni.
Politics mual ah hian thil engkim a lengvek anga ngaihna a awm hian, inthlan boruak a ti chiri thin a, khawilai lai ah emaw chuan tlem a hmuhnuam chiahlo deuh te chu a awm ang tih chu a chiang ah ngai ila, mahse, a pumpui a thlirin, tuntum inthlanna aia felfai leh muanawm kha sawitur a awm in a rinawmloh a ni.
Khatiang khan felfai takin mipui ten vote an lo thlak thei reng a ni tih chu a chiang ta a, engatinge inthlanpui neihtawh dang ah te khan kalpui a nih ve loh tihlam aiin, tuntum inthlanpui neih kha engvanga felfai biknge a nih tih zawk hi a pawimawh lai niin a hriat a, Returning Officer, ngaihtuahna sengmi, thiltha duhna atanga rawn chhuak a nih rualin, YLA awm talose, inthlanna felfai ti a sawitheih a nih a rinawmloh.
Central YLA in theihtawp an chhuah a, Branch YLA te inpekna ahlu a, Sorkar hian YLA nen thataka thawhdunna a neihna ah ram in hmel thar a pu nghal mai thin tih a chiang a, ruahmanna a that vangin inthlanna felfai a awm mai a ni.