Pu Kiren Rijiju, Union Minister of State, Minority Affairs Minister chuan, Mizoram a Autonomous District Council ten hmasawnna lianzawk an neihtheih nan ram danpui hnuai a Sixth Scheduled chu siamthat a ni dawn a ni a ti.
Minority Affairs Minister hian niminpiah khan December Ni 4 a LADC Inthlanpui neihtur ah an Party BJP tan Campaign turin Sangau a thleng a, Siaha ah riakin, nimin chhun khan Lawngtlai Bazar a BJP Office ah an Party hruaitute hma ah thusawiin, hunreitak atanga Lai mipui ten an lo beisei tawh, ram danpui hnuai a Sixth Scheduled siamtha a, sum leh pai bak ah Council inrelbawlna leh thuneihna lian zawk an neihtheih nan a Central Sorkar an ngenna chu tihhlawhtlin a ni dawn a ni a ti.
Pu Kiren Rijiju chu Sangau atangin Lawngtlai thleng, motor hmangin a kal a, kawngpui chhia a tih thu sawiin, Delhi a thlen hun ah Ministry of Road Transport & Highway ah, kawngpui siamthat a nihtheih nan thlen a tum thu a sawi a, Sport Minister a nihna angin, Lawngtlai District tan tihtheih tamtak a neih thu a sawi bawk.