Politics hian mi a luhchilh laklawh tawh chuan, thingtlang paberh te emaw tih pawh hian, an tapchhak zawl atang hian ram hi an lo vei tak tak a, an ngaihtuahna te chu tihhlawhtlin nitase, hmuhtheihin ram hmel hi a danglam nghal thuai a beiseiawm thin.
Party Politics in mi a chiah hneh tak tak leh a luhkhung lawklawhte chu, kawm tak tak tlakloh hial a chhuah tawk pawh an lo awm fo bawk a, zu rui chu a tuk ah an harhfim leh mai a, Party ruihchilh ho chuan harchhuah hun an nei meuhlo an ti.
Politics leh Party Politics hi ngaihpawlh loh theih nisilo, a buaipuituten an chawhpawlh dan a fuhloh vanga, kawng tha aia kawng thalo lam minzawhpui emaw tih maitur a ngaihtheih a ni fo mai.
Inthlanpui kan hmabak a, ram mipuite hian inthlanpui hi engtiang innge an hmachhawn tih lai hi a pawimawh a, chu chuan ram hnuk a khawih a ni.
Ka chumi, ka khami tih bawr vel kalpelin, Party Politics tuinu kan tlansan ngam hun hun ah, hmasawnna diktak chu nasa zawkin a rawn thleng ngei ngei ang.
Politician kan tihte hian Politics hi an buaipui pha em tihte pawh ram mipuite hian thlir peih a tul a, ramin a zar a zo tur, ngaihtuahna seng mipui an pun chhoh deuh deuh a tul viau in a hriat a ni.