Inthlanpui neih huntur a hnai zel a, tunkar chho hian chuhtumte chuan an hming an pelut vek tawh dawn a, Campaign hi pawnlam ah ri hut hut awmlo mahse, kumdang zawng aiin Candidate leh an mahni puitute hian tan an la nasa in a hriat a ni.
Hetihlai hian, mipui lam tan ngaihdan siam thiam a harna chin a la tam viauin a hriat a, Democracy ram ah, inthlanna hmachhawn a nihin Political Party ten ram hruai an tumdan mipui ah puangin, chu chu an Candidate te zawrh nan an hmang thin a, vawiin thleng hian LADC a Political Party te hian mumal taka ram hruai an tumdan mipui a puang hi an la awmlo a ni maithei.
Vuah leh vang, chi leh kuang, laina hnai tih vanga vote ngawt hian ram ropui tak min thlen har deuh maithei, awmze nei hian Political Party te hian inthlannahi hmachhawn se, sorkarna siam ringawt hi ramleh hnam damna a nilo tih hi pawmngam se, ram inrelbawlna a bul tanna langsar tak, inthlanna kan hmachhawn dan hi herrem hret a tulin a hriat a ni.
Mipui lam pawn, awmze nei a vote thlak hi ram leh hnam damna a ni tih hrechiang chung a, a taka an kalpui ngam a tul a, Politics puarpawleng a buai mai mai lovin, chhia leh tha thliarhrang thei, khua leh tui diktak te hian, tutute emaw hruaikawi theih leh thununna hnuai a kun lovin, tan lak thar a tul viauin a hriat a ni.