Hripui chuan rehlam aiin zuallam a pan chho zel ang tih a hlauhawm viau a, hrileng hi ngai a neih chi a nilova, engtikah mah hian Covid 19 nen a lendun hi mipui lam hian kan thiam tak tak pawn a rinawmloh a, invenna lam erawh kan uar tulh tulh a ngai tih chu hriatsa a ni.
Lawngtlai ah pawh hrikai mi 200 tal enkawl theihna tur hmunhma buaipui a ni a, CCC pawh sawnfel a ni tawh a, hetiang hmun remchang a awm hlauh hi a vanneihthlak viauin a hriat a ni.
Hrikai enkawlna tur hmunhma hi tha tak nei pawh nila, a hmunhma hi chu Hrikai enkawl nan a peng pawimawh pakhat ve chauh a ni a, CCC hian kentel a ngahin, heivang hian Central YLA leh Branch YLA te, mimal inpekna te pawh hriattur a awm chhozel a nih hi.
Lawngtlai in vanneihna liantak a neih chu, Hospital a thawktute inpekna sang tak hi a ni, an ni hian inpekna sangtak nei mahse, khawl an ni lova, hah leh chauh chang nei thei tho an ni a, chutih karah hriin a luhchilh changte pawh a awm chho ve zel a, thawktu indaihlohna pawh hi vei tham a tling awm e.
Hri do nan khawtlang chuan a tihtur hi a ti mawlh mawlh in a hriat a, Sorkar lam hmalakna erawh puanzar a ni lemlo a nih chuan thuhran ah ngai ila, thawm hriattur a tam lo viauin a hriat a, District Hospital a thawktute ah hah in an rim takzet tih bak hi thawm a ri tamlo viauin a hriat a ni.
Nimin mai ah Health Minister in Lawngtlai a rawn tlawh a, kan mangan zia a hretur ah ngai ila, tun dinhmun ah chuan nasa zawkin Sorkar hi a chet a ngaiin a hriat a ni.