Lawngtlai CMO, Dr.L.C.Liana chuan, ICMR in kaihhruaina thar a siam ah chuan, Covid 19 Positive enkawllai chu, enkawl theih hun chhung a zawh hnu ah, Test ah Positive mahse, Inlam a inenkawlzui turin chhuah theih a ni a ti a, he inkaihhruaina dan hi tun dinhmun ah chuan Mizoram ah hman a la nilo a ti.
Nimin a Covid 19 chungchang zirhona, Lawngtlai District MJA te puala buatsaih ah, Chanchinbumiten, tunhnai ah Aizawl lam ah CCC a enkawllai, Test a Positive nisi chhuah an awm ni a sawi chungchang an zawhna chhangin, Dr.LC Liana chuan, Positive chu ni sawm enkawl a nih hnu ah Test neih a ni a, an la positive a nih chuan, ni li dang enthlak chhunzawm hnu ah, an mahni ah hri lanchhuahna a awmloh chuan, an In lam ah kaihhruaina thataka zawm chungin ni sarih chhung inkhunghrang zui tur a tih an ni a, he kaihhruaina thar ICMR in a siam hi tun dinhmun ah chuan Mizoram ah hman a la nilo a ni a ti.
MJA te puala Covid 19 chungchang zirhona ah hian Dr.LC Liana chuan hri chungchang a hriattur pawimawh hrang hrang te a sawi a, Mizoram a rawn luttur bungrua phurtute chu ramri ah endik vek an nih vangin, Lawngtlai an rawn thlenin hlauhthawntur a awm lo a, an bungrua atang pawn hri kai hi hlauhthawnawm nilomahse, hri laka kan him nan a Sorkar in inkaihhruaina a siamte erawh tha taka zawm a pawimawh a ni a ti.