Politics hi mitlemte hlawkna tur a, mitamtak atna, ti a sawi ani fo a, Politics khelhfuh te chu, reilote a hausak thutna anga ngaihtheih a ni bawk.
Heng ngaihdan hian Politcs laimu a pawh phalova, a pawh phalo mai nilovin, Politics in a tum nimiahlo, thil thalo a kentel, a kildum lai tak lo lak vawng vanga, hetiang ngaihdan hi piang a ni zawk in a hriat a ni.
Politics chuan hausakna a kengtel ngawtlova, a nihna takah chuan retheihna hi a kentel a ni mah zawk. Tupawhnise, Politics a khelh vanga hausa ta viau an awm a nih chuan, chutiangmi chu Politician tha a chhiar zui tlak an nilo maithei.
Politics chuan, mipui huap hmasawnna a kengtel a, inthlan dawn a Political Party ten Manifesto an sem thin hi, Politics in a tumber, tihhlawhtlin an tum ngei tur chu a ni.
Mizoram chauh pawh hi thlir ila, Politician ti a kan sawite hian eng Politics ber nge an khelh hriatthiam a har a, tamtak chu Party bil bak pello an awmlaiin, engemawzat chuan mipui chu sawiloh, an mahni hmakhua Politic bak an ngaihtuah lovin a hriat bawk.
Politician tha chuan ram dinhmun a dawmkang thin a, tute pawhin Sorkar fawng vuanse, Politics diktak nen ram an kaihhruai phawt chuan ramin a zar an zova, Party leh lamtang te induhsak bikna ang chi hriattur a tlem thin.
Mipuite hian eng Politics nge kan ruihchilh tih hian ram hnuk a khawih pha a, Politics diktak hi ruihchilh vek ila, a hlawkna a lang thuai ang.