OFFICE OF THE PANG ZIRLAI PAWL : GENERAL HEADQUARTERS
No.PR.24/PZP(GHQ)2019-2021
Dated Vathuampui, the 6th August, 2020
Press Release
Vathuampui J.A.C te hmalakna PZP in thlawp
Hnathawk tha lo Contractor dem
Chak zawka hna thawk turin ngen
Dt.3.8.2020(Monday)khan Joint Action Committee(JAC),Vathuampui hmalaknain Saibawh - Vathuampui kawng Paneled Concrete Pavement(PCP) hna thawh mek chu tha tawk lo leh a nihna ang taka thawh a nih loh a vangin tihchhiat a ni. Kawng tha duhna vanga Vathuampui JAC te hmalakna hi Pang Zirlai Pawl, General Headquarters chuan tha a ti a, a tawp thlengin a thlawp tlat dawn a ni.
Saibawh-Vathuampui kawngpui siam mek hi PMGSY atanga thawh a ni a. He kawngpui hi Vathuampui khua leh a chhehvel(Area) tan chakkhai lakluhna kawng pawimawh tak a ni. Pang Zirlai Pawl leh NGOs ten he kawng hi siam a nih theihnan theihtawp chhuahin Mizoram Sawrkar thlen tawh thin a ni a. Mizoram Sawrkar chak takin mipuite mamawhna hria a kawngpui min siamsak hi Pang Zirlai Pawl chuan lawmawm a ti tak zet a ni.
Saibawh- Vathuampui kawng siam mek hi Pang Zirlai Pawl chuan Kawng tha tak siam a nih theihnan a hmunah kal chilhin hnathawktute hnenah tha taka min thawhsak turin ngenna a lo siam tawh a. Chutih laiin, Cement, Balu leh Rora hmang lova GSB(tiau)leh Cement a mixed ringawt a pavement niin, nihliap pawha chhun khawh mai mai thei tura hna thawh a nih hi Pang Zirlai Pawl chuan na a tiin, Mizoram Sawrkar leh MPWD tihmualphona leh Mipuite zahlohnaah a ngai a ni. Tun hnuah chuan hetiang hi thleng nawn tawh lo sela, Kawng tha leh tlo tak min siamsak tur leh tun aia chak zawk a hna thawk turin Pang Zirlai Pawl chuan a phut bawk a ni.
Saibawh - Vathuampui kawng hi Pi Lalthanthuami(Contractor) Aizawl Chawnpui veng hna niin, Pu Hmangaihsanga(Sub-contractor), Lawngtlai Vengpui chuan he kawng siam hna hi a thawk thung a ni. Saibawh - Vathuampui kawng siam hna hi PMGSY atang a thawh niin, Rs.20,88,74,403.54 Lakhs a thawh a ni a, Dt.14th June, 2020 atanga thawh tan(Date of Commencement)niin, Dt.14thJune, 2020 ah thawk zo(Date of Completion)tura tih a ni.
Pang Zirlai Pawl, General Headquarters chuan Vathuampui Area a Kawngpui siam hna thawk zawng zawngte tun aia chak zawk a thawk turin a ngen nghal bawk a ni.
" Deeds, Not Words"
Sd/-
( VANBIAKLIANA )
General Secretary
Tags
News