Dan pangngai ang chuan kumtawplam hian District Council inthlanpui hmabak a ni a, pa tamtak titi tui ber pakhat a ni chho mek a
LADC awmchhan leh a kalphungte chu sawi vak ngailovin, mipangngai tan hriatloh chi a nilova, mahni a Sorkar hran nei a, inrelbawlna hran hlak, danpui hnuai a kan neih hi tangkai zawkin engtinnge kan kalpui ang tih hi, Council inthlanpui neihtur ah hian Political Party te hian ngaihtuahna sen nan hmang thei se a duhawm ngawt mai.
Central leh State ah tute emaw a sorkar vanga Council a sorkar ve tur a inngaih ngawt te hian ram hnuk a khawih pha meuh em tihte pawh kan ngaihtuah tel a tul a, khawilai bial ah emaw, vua leh vang an buk deuh vanga inpek tum ang chi te pawh thil awmthei a ni.
Khawvel in hma a sawn zel a, Party Politics, chhungkaw Politics tih lam aiin, ram hnuk Politics hi thalai tamtak ten an ngaihven nasa viau tawh a, Political Party te hian, eng ang dinhmun a ding turin nge Council hi hruai an tum tih hi chung mite thlirna chu a ni.
Tags
Editorial