Lawngtlai District mi leh sa state pawn atanga lo haw, government quarantine facility leh home quarantine-a khung hran mek zat chu nimin tlai dar 5:00 thleng khan mi 95 a ni a. COVID-19 positive mi 2 chu Lawngtlai Covid Care Centre (CCC)-ah an hriselna dinhmun vil reng niin, ngaihtuahawm an ni lo.
Nimin khan Delhi atanga lo haw mi 15 lo thlen belhin, Medical Quarters-ah dah an ni a. Khung hran hun bi hmang zo a, RT-PCR test-a negative mi 10 (Medical Quarters atangin 9 leh Circuit House atangin 1) chhuahtir an ni thung.
Lawngtlai District atanga Zoram Medical College (ZMC)-a RT-PCR test tura sample thawn tawh zawng zawng chu 1177 niin, Lawngtlaiah Rapid Antigen Test hmangin sample 4 endik a ni ve tawh bawk a. He'ng atang hian positive case 23 hmuh chhuah tawh niin, dama chhuak 21 an awm tawh a, enkawl lai 2 an la awm mek a ni.
Tags
News