Chief Medical Officer, Lawngtlai, Dr. LC Liana chuan, Health Department hmalakna hrang hrang ah Lawngtlai Chanchinbumite chu thawhpui ah sawmin, Lawngtlai District in hma a sawn theih nan tan lak deuh deuh a ngai a ni a ti.
CMO thar Dr.LC Liana hian nimin khan Lawngtlai District MJA te thingpui inpuiin, hriselna lam a hmalakna hrang hrang ah Mizoram ah Lawngtlai District chu a mawngphah lam ah a awmfo thin a, Sorkar chuan theihtawp chhuahin hma a lak chhunzawm reng a, Chanchinbumiten theihtawp an chhuahpui chuan awmzia thuitak a neih a beisei thu a sawi.
Dr.LC Liana chuan Lawngtlai ah TrueNAT dah turin ruahmanna siammek niin, a dahna tur pindan siammek a ni a ti a, TrueNAT hi bunfel a nih hun chuan, hripui hmachhawnna ah pawh a zangkhai phah dawn a ni ti.
Chanchinbumite chuan Sorkar lamin mipui hriattur angte a nihtur angin an puangzar tawklo deuh a an hriatthute, hriselna lam a hmalakna ah pawh Chanchinbumiten tihve theih an neih ah theihtawp chhuah an inhuam thu CMO hi an hrilh a, hunremchang hmasa ah Covid 19 chungchang ah mipuite hriattur pawimawh, Chanchinbumite leh health Department Official ten sawiho se an ti.
Tags
News